Pierre de Ronsard : "Mignonne, allons voir si la rose"

Photo prise à Mirmande le 19 mai 2012

A Cassandre

Mignonne, allons voir si la rose

Qui ce matin avait desclose

Sa robe de pourpre au Soleil,

A point perdu ceste vesprée

Les plis de sa robe pourprée,

Et son teint au vostre pareil.

Las ! voyez comme en peu d'espace,

Mignonne, elle a dessus la place

Las ! las ses beautés laissé choir !

Ô vraiment marâtre Nature,

Puis qu'une telle fleur ne dure

Que du matin jusques au soir !

Donc, si vous me croyez, mignonne,

Tandis que vôtre âge fleuronne

En sa plus verte nouveauté,

Cueillez, cueillez vôtre jeunesse :

Comme à ceste fleur la vieillesse

Fera ternir vôtre beauté.

Pierre de Ronsard (1524-1585)